নিৰ্বাচনৰ বাবে ট্ৰাম্পে শত্ৰুৰ লগত মিত্ৰতা গঢ়িছে, তেল অবিহনে দুৰ্বল আমেৰিকা

ট্ৰাম্পে ৰাছিয়াৰ সৈতে এটা ডিজেল চুক্তি ঘোষণা কৰাৰ পিছতে এটা সিদ্ধান্ত আহিছে যে, এই চুক্তিৰ অধীনত ৩,০০,০০০ টনতকৈও অধিক ডিজেল ইন্ধন সৰবৰাহ কৰিব । ইয়াৰ পিছত নৱেম্বৰ মাহত আন ৫,০০,০০০ টন আৰু তাৰ ঠিক পিছতেই ১ নিযুত (১০ লাখ) টন ডিজেল যোগান ধৰিব ।

আমেৰিকা যুক্তৰাষ্ট্ৰত নৱেম্বৰ মাহৰ মধ্য্যাৱৰ্তী নিৰ্বাচনৰ পূৰ্বে ডিজেলৰ মূল্য আকাশলংঘী হোৱাৰ পটভূমিত ৰাছিয়াৰ সৈতে হোৱা এটা ডিজেল চুক্তিৰ মাজতে এই পদক্ষেপ গ্ৰহণ কৰা হৈছে।

ট্ৰাম্পে কয়, "মই কংগ্ৰেছক এটা প্ৰমাণপত্ৰ দাখিল কৰিছোঁ যে এনে ধৰণৰ ৰেহাই প্ৰদান কৰাটো আমেৰিকা যুক্তৰাষ্ট্ৰৰ ৰাষ্ট্ৰীয় স্বাৰ্থত নিহিত হৈ আছে আৰু গ্ৰাহাম এক্টৰ ১১৫(খ) ধাৰাৰ সৈতে সংগতি ৰাখি এই প্ৰমাণপত্ৰৰ ভিত্তি ব্যাখ্যা কৰি এটা প্ৰতিবেদন দাখিল কৰিছোঁ।"

তেওঁ আইনখনৰ ১১২ আৰু ১১৩ নম্বৰ ধাৰাত উল্লেখ থকা যিকোনো শুল্ক প্ৰয়োগৰ ক্ষেত্ৰত ৰেহাই দিছে। এই ধাৰা দুটাই ট্ৰাম্পক ৰাছিয়াৰ পৰা আমেৰিকা যুক্তৰাষ্ট্ৰলৈ আমদানি কৰা সকলো সামগ্ৰীৰ ওপৰত শুল্কৰ হাৰ মূল্যৰ ভিত্তিত ৫০০ শতাংশ পৰ্যন্ত বৃদ্ধি কৰাৰ কৰ্তৃত্ব দিছিল। ইয়াৰ উপৰিও, ৰাছিয়াৰ মূলৰ অপৰিশোধিত তেল বা প্ৰাকৃতিক গেছ আমদানি কৰা পাঁচখন সৰ্ববৃহৎ দেশৰ ওপৰত মূল্যৰ ভিত্তিত ১০০ শতাংশ পৰ্যন্ত শুল্ক আৰোপ কৰাৰ অনুমতিও ইয়াৰ দ্বাৰা পোৱা গৈছিল।