পেন্টাগনৰ এজন বিষয়াৰ মতে, বোমাৰু বিমানকেইখন আমেৰিকা যুক্তৰাষ্ট্ৰত থকা সিহঁতৰ নিজৰ ঘাটিলৈ পুনৰ স্থানান্তৰ কৰা হৈছে। সংবেদনশীল সামৰিক চলাচলৰ বিষয়ে আলোচনা কৰাৰ অধিকাৰ নথকাৰ বাবে বিষয়াজনে দেওবাৰে নাম প্ৰকাশ নকৰাৰ চৰ্তত এই কথা প্ৰকাশ কৰে।
পেন্টাগনৰ এজন মুখপাত্ৰই কয় যে, “যিহেতু কাৰ্য্যকৰী নিৰাপত্তাৰ বাবে আমাৰ সমল আৰু সুৰক্ষা বাহিনীৰ চলাচলৰ বিষয়ে তাৎক্ষণিকভাৱে নিশ্চিত কৰাটো সম্ভৱ নাছিল, আমি এতিয়া স্বীকাৰ কৰিব পাৰোঁ যে আৰ.RAF Fairford লৈ প্ৰেৰণ কৰা সকলো আমেৰিকান বোমাৰু বিমান যুক্তৰাষ্ট্ৰত থকা সিহঁতৰ নিজা ঘাটিলৈ উভতি গৈছে।”
দেওবাৰে Fairford ৰ পৰা ১২ খন B-1 বোমাৰু বিমানৰ ভিতৰত অন্ততঃ ১০ খনে উৰণ মাৰে, যাৰ ভিতৰত কিছুমান বিমান এক সপ্তাহতকৈও কম সময়ৰ আগতেহে নিয়মীয়া আৱৰ্তনৰ অংশ হিচাপে তাত উপস্থিত হৈছিল। এই ঘটনাই ইয়াৰ পৰা কিমান খৰখেদাকৈ প্ৰস্থান কৰা হৈছে তাক প্ৰতিপন্ন কৰাৰ লগতে আমেৰিকাই এই ভাবুকিটোক কিমান গুৰুত্বসহকাৰে লৈছে তাক স্পষ্ট কৰি তুলিছে।
ব্ৰিটেইনৰ প্ৰতিৰক্ষা মন্ত্ৰালয়ৰ তৰফৰ পৰা তাৎক্ষণিকভাৱে কোনো মন্তব্য কৰা হোৱা নাই, যদিও দ্ৰুতগতিত চলি থকা প্ৰত্যাহাৰ প্ৰক্ৰিয়াই গ্লষ্টাৰশ্বাৰৰ RAF ঘাটিৰ আশে-পাশে থকা অঞ্চলসমূহত উদ্বেগ বৃদ্ধি কৰিব।
তথ্য অনুসৰি, এই প্ৰত্যাহাৰ প্ৰক্ৰিয়াটো সম্ভৱতঃ ঘাটিটোৰ সুৰক্ষা সন্দৰ্ভত নতুনকৈ বা পুনৰ দেখা দিয়া উদ্বেগৰ প্ৰতি সঁহাৰি জনাই কৰা হৈছে।
নিউয়ৰ্কৰ বাতৰি কাকতৰ এক প্ৰতিবেদনত প্ৰকাশ পাইছে যে, আমেৰিকান বিষয়াসকলে বায়ু সেনাৰ বোমাৰু বিমানসমূহ ক্ষিপ্ৰতাৰে প্ৰত্যাহাৰ কৰাৰ কাৰণ সম্পৰ্কে নতুন তথ্য প্ৰকাশ কৰিবলৈ অস্বীকাৰ কৰিছে। ইয়াৰে কিছুমান বিমান স্বাভাৱিক আৱৰ্তন প্ৰক্ৰিয়াৰ অংশ হিচাপে মাত্ৰ বিগত সপ্তাহতহে আহি উপস্থিত হৈছিল।
এগৰাকী মাৰ্কিন বিষয়াই জনোৱা অনুসৰি, এই নতুন তথ্যসমূহ ঠিক তিনি সপ্তাহ পূৰ্বে প্ৰকাশ পোৱা ভাবুকিৰ সতৰ্কবাণীৰে অংশ আছিল, কিন্তু যোৱা ২৪ ঘণ্টাত ইয়াৰ কিছুমান নিৰ্দিষ্ট সবিশেষ আৰু জৰুৰীকালীন পৰিস্থিতিয়ে তীব্ৰ ৰূপ ধাৰণ কৰিছে, যিয়ে কমাণ্ডাৰসকলক চিন্তিত কৰি তুলিছে।
নিৰাপত্তা জনিত কাৰণত ছেপ্টেম্বৰ মাহৰ শেষৰ পিনে RAF Fairford হোৱা এক ঘটনাৰ পিছত, বিগত সপ্তাহত এজন ব্ৰিটিছ-ইৰানী দ্বি-নাগৰিকত্ব থকা ব্যক্তিক সন্ত্ৰাসবাদী আক্ৰমণৰ পৰিকল্পনা কৰাৰ সন্দেহত কেন্দ্ৰীয় লণ্ডনৰ পৰা গ্ৰেপ্তাৰ কৰা হৈছে। এই তদন্তৰ সময়ছোৱাত বৰ্তমানলৈকে সৰ্বমুঠ ছয়জন ব্যক্তিক জিম্মাত লোৱা হৈছিল আৰু পৰৱৰ্তী সময়ত তেওঁলোকক জামিনত মুক্তি দিয়া হৈছে।
ব্ৰিটিছ কৰ্তৃপক্ষই এই ঘটনাটোৰ সম্পৰ্ক তেহৰানৰ সৈতে থকা বুলি প্ৰকাশ কৰিছে। ইৰানে ইয়াত জড়িত থকাৰ কথা অস্বীকাৰ কৰিছে।
লণ্ডনৰ পৰা প্ৰায় ১০০ মাইল পশ্চিমে অৱস্থিত RAF Fairford নামৰ সামৰিক ঘাটিটো বিগত কেইবা দশক ধৰি মধ্যপ্ৰাচ্যৰ সংঘৰ্ষৰ সময়ত আমেৰিকান বোমাৰু বিমানে ব্যৱহাৰ কৰি আহিছে।
তদানীন্তন প্ৰধানমন্ত্ৰী কিয়েৰ ষ্টাৰমাৰে ৱাশ্বিংটনক তেহৰাণৰ বিৰুদ্ধে “প্ৰতিৰক্ষামূলক” আক্ৰমণৰ বাবে ব্ৰটিছ ঘাটিসমূহ ব্যৱহাৰ কৰাৰ অনুমতি দিয়াৰ পিছতেই সাম্প্ৰতিক মাহবোৰত ইয়াৰ ব্যৱহাৰ হৈছিল।
আমেৰিকান সামৰিক বাহিনীয়ে এতিয়াও মধ্যপ্ৰাচ্যত এক বৃহৎ উপস্থিতি বৰ্তাই ৰাখিছে। বৃহস্পতিবাৰে, এজন আমেৰিকান বিষয়াই জনাইছে যে শেহতীয়াকৈ মোতায়েন কৰা যুদ্ধজাহাজ USS Theodore Roosevelt আৰু লগত USS Makin Island উভচৰ প্ৰস্তুতি দল, যিটো জাহাজৰ এনে এটা গোট যিয়ে একেলগে ৭,০০০ তকৈও অধিক নাৱিক আৰু ২,০০০ মেৰিন সেনা কঢ়িয়াই নিয়ে, সেই অঞ্চলটোৰ দিশে আগবাঢ়িছে। বিষয়াগৰাকীয়ে প্ৰকাশ কৰা অনুসৰি, এই পদক্ষেপৰ ফলত অহা অক্টোবৰৰ শেষৰ ফালে অঞ্চলটোত তিনিখনকৈ যুদ্ধজাহাজ উপস্থিতি হোৱাৰ সম্ভাৱনা আছে।
মন্তব্য (0)
লগইন কৰি মন্তব্য লিখক।