পুনৰ ৰেপাৰ হানি সিঙৰ বিৰুদ্ধে চাইবাৰ চেলৰ চমন! কি অভিযোগ ৰেপাৰগৰাকীৰ বিৰুদ্ধে?

পুনৰবাৰ বিতৰ্কৰ আৱৰ্তত সোমাই পৰিছে জনপ্ৰিয় ৰেপাৰ তথা গায়ক হানী সিং। মহাৰাষ্ট্ৰ চাইবাৰ আৰক্ষীয়ে এটা কনচাৰ্টৰ সময়ত আপত্তিজনক মন্তব্য কৰাৰ অভিযোগত সোমবাৰে তদন্তৰ বাবে সোধা-পোছাৰ বাবে মাতিছিল হানী সিঙক। কিন্তু নিৰ্ধাৰিত সময়ত তদন্তকাৰী বিষয়াৰ সন্মুখত হাজিৰ নহ'ল গায়কগৰাকী। তথ্য অনুসৰি, হানী সিঙে মহাৰাষ্ট্ৰ চাইবাৰ আৰক্ষীৰ পৰা তদন্তত অংশগ্ৰহণৰ বাবে কিছু সময় বিচাৰিছে। এই ঘটনাৰ পিছতে বিষয়টোক লৈ নতুনকৈ চৰ্চা আৰম্ভ হৈছে। অৱশ্যে গায়কগৰাকীয়ে অধিক সময় বিচৰাৰ কথা সংবাদ মাধ্যমৰ আগত প্ৰকাশ কৰিছে।