সমগ্ৰ ভাৰতজুৰি ছুপাৰষ্টাৰ ৰজনীকান্তৰ বহু প্ৰত্যাশিত ছবি 'Jailer 2'ৰ ধুমুহা

ভাৰতত Jailer 2 বোলছবিখনে মুঠ ৭০.২৫ কোটি টকা সংগ্ৰহ কৰিছে, আনহাতে ইয়াৰ প্ৰকৃত উপাৰ্জন আছিল ৫৯.৭০ কোটি টকা। ইফালে, আনখন ছবি 'কুলি' (Coolie)-এ মুক্তিৰ প্ৰথম দিনাই ভাৰতত ৬৫ কোটি টকাৰ প্ৰকৃত উপাৰ্জন কৰিছিল, যিটো আছিল ৰজনীকান্তৰ কেৰিয়াৰৰ এতিয়ালৈকে আটাইতকৈ ডাঙৰ অপেনিং।

ট্ৰেড ট্ৰেকাৰ চেকনিলকৰ তথ্য অনুসৰি, প্ৰথম দিনা 'Jailer 2' বোলছবিখনে ১৬,৫৯৯ টা শ্ব’ৰ পৰা মুঠ ৫৯.৭০ কোটি টকাৰ নেট সংগ্ৰহ কৰিবলৈ সক্ষম হৈছে।

ইয়াৰ সৈতে এতিয়ালৈকে ভাৰতত মুঠ গ্ৰছ সংগ্ৰহ ৭০.২৫ কোটি টকা আৰু ভাৰতত মুঠ নেট সংগ্ৰহ ৫৯.৭০ কোটি টকাৰ ঘৰ স্পৰ্শ কৰিছে।

প্ৰাপ্ত তথ্য অনুসৰি, বিদেশত চিনেমাখনে মুঠ ₹৫৫.০০ কোটি টকাৰ উপাৰ্জন কৰিছে, যাৰ ফলত ইয়াৰ সৰ্বমুঠ গোলকীয় বক্স অফিচ সংগ্ৰহ ₹১২৫.২৫ কোটি টকালৈ বৃদ্ধি পাইছে।

আটাইতকৈ ডাঙৰ অৱদান তামিল সংস্কৰণৰ পৰা আহিছিল, যিয়ে ৯,৩২৬ টা শ্ব’ৰ পৰা ৪৩.৩৫ কোটি টকা উপাৰ্জন কৰিছিল। ইয়াৰ পিছতে আছিল তেলেগু সংস্কৰণ, যিয়ে ২,৭৯২ টা শ্ব’ৰ পৰা ১২.৫০ কোটি টকা সংগ্ৰহ কৰিছিল।

অ'টিটি (OTT) উইণ্ড’ৰ বিবাদক লৈ দেশৰ উত্তৰ প্ৰান্তৰ পিভিআৰ-আইনক্স (PVR-Inox) চেইনে ছবিখন থিয়েটাৰত প্ৰদৰ্শন নকৰাৰ বাবে চলচ্চিত্ৰখনৰ হিন্দী সংস্কৰণে ইতিমধ্যে এক ডাঙৰ আঘাতৰ সন্মুখীন হৈছিল। হিন্দী সংস্কৰণটোৱে ৪,৩৭১ টা শ্ব’ৰ পৰা ৩.৫০ কোটি টকা সংগ্ৰহ কৰিছিল। আনহাতে, কন্নড় সংস্কৰণে ১১০ টা শ্ব’ৰ পৰা মুঠ উপাৰ্জনত ০.৩৫ কোটি টকা যোগ দিছিল।

ছ'চিয়েল মিডিয়া আৰু সমালোচকসকলে চলচ্চিত্ৰখনক ইয়াৰ মনোৰঞ্জনৰ মূল্যৰ বাবে ব্যাপক প্ৰশংসা কৰিছিল।

লতা শ্ৰীনিবাসনে উল্লেখ কৰা অনুসৰি , ৰজনীকান্ত অভিনীত 'Jailer 2' এখন শক্তিশালী ব্যৱসায়িক মনোৰঞ্জনধৰ্মী চিনেমা, য'ত হাস্যৰস, একচন আৰু সংগীতৰ সুন্দৰ সংমিশ্ৰণ ঘটিছে। নেলছন দিলীপকুমাৰৰ পৰিচালনাত নিৰ্মিত এই চিনেমাখনে দৰ্শকক আকৰ্ষিত কৰাৰ লগতে 'জেইলৰ ৩'ৰো ইংগিত বহন কৰিছে। 

নেলছন দিলীপকুমাৰৰ দ্বাৰা পৰিচালিত আৰু ছান পিকচাৰ্ছৰ বেনাৰত কলানিধি মাৰানৰ দ্বাৰা প্ৰযোজিত 'Jailer 2' হৈছে ৰজনীকান্তৰ ২০২৩ চনৰ ব্লকব্লাষ্টাৰ ছবিখনৰ চিকুৱেল। এই চলচ্চিত্ৰখনত অন্যান্য অভিনয় শিল্পীসকলৰ লগতে ৰম্যা কৃষ্ণন, এছ. জে. সূৰ্য্য, মোহনলাল, বিদ্যা বালন, সূৰজ ভেঞ্জাৰামুডু আৰু মিঠুন চক্ৰৱৰ্তীয়ে অভিনয় কৰিছে।

এই চলচ্চিত্ৰখনৰ সংগীত পৰিচালনা কৰিছে অনিৰুদ্ধ ৰবিচন্দৰে; চিনেমেট’গ্ৰাফীৰ সৈতে জড়িত হৈ আছে বিজয় কাৰ্তিক কান্নান আৰু সম্পাদনাৰ দায়িত্ব গ্ৰহণ কৰিছে আৰ. নিৰ্মলে।

প্ৰথম খণ্ড Jailer, ২০২৩ চনৰ ১০ আগষ্টত মুক্তি লাভ কৰিছিল। এই ছবিখনত মুথুৱেল পাণ্ডিয়ান নামৰ এজন ব্যক্তিৰ কাহিনী দেখুওৱা হৈছিল, যি নিজৰ পৰিয়ালটো বিপদত পৰাৰ পিছত পুনৰ হিংসাৰ এখন জগতলৈ ঘূৰি যাবলৈ বাধ্য হৈছিল।