আজি ধৰালৈ আগমন ঘটিছে মহিষাসুৰমৰ্দিনী মা দুৰ্গাৰ

শৰৎ ঋতুয়ে কঢ়িয়াই আনে পূজাৰ বতৰা। শৰৎ অহাৰ লগে লগে চাৰিওফালে বিৰাজ কৰে এক সুকীয়া পৰিৱেশে। শৰৎ মানেই হৈছে শাৰদী ৰাণীৰ আগমন। নৈৰ কাষে কাষে শাৰী শাৰাকৈ হালিছে অসংখ্য কহুৱা। দেৱী দুৰ্গাৰ আৰাধনাকে কেন্দ্ৰ কৰি অনুষ্ঠিত হয় বৃহত্তম ধৰ্মীয় আৰু সাংস্কৃতিক উৎসৱ দুৰ্গোৎসৱ। শাস্ত্ৰ অনুসৰি আহিন মাহৰ শুক্ল পক্ষত বা চ’ত মাহৰ শুক্ল পক্ষত দুৰ্গা পূজা উদযাপন কৰা হয়। চ’ত অৰ্থাৎ বসন্ত কালৰ দুৰ্গা পূজাক বাসন্তী পূজা আৰু আহিন অৰ্থাৎ শৰৎ কালৰ দুৰ্গা পূজাক শাৰদীয় দুৰ্গা পূজা নামেৰে জনা যায়।