সেয়ে কৰ্ণাটকৰ উপ-মুখ্যমন্ত্ৰী জি পৰমেশ্বৰাই বুধবাৰে ঘোষণা কৰে যে ৰাজ্য চৰকাৰে ৰাজ্যখনৰ সাতটা অঞ্চলক খৰাংপীড়িত অঞ্চল হিচাবে ঘোষণা কৰা হৈছে । যাৰ ফলত বৰ্তমানলৈকে খৰাং প্ৰভাবিত অঞ্চল হিচাবে ২২৬ টা চিহ্ণিত হৈছে ।
এই পৰিস্থিতিৰ সৈতে মোকাবিলা কৰিবলৈ কেন্দ্ৰৰ পৰা আৰ্থিক সাহায্য বিচাৰি এসপ্তাহৰ ভিতৰত স্মাৰকপত্ৰ প্ৰেৰণ কৰা হ’ব বুলি উল্লেখ কৰিছে ৰাজ্য চৰকাৰ ।
বুধবাৰে পৰমেশ্বৰাই কয়,”ৰাষ্ট্ৰীয় দুৰ্যোগ সঁহাৰি পুঁজি (NDRF)ৰ নিৰ্দেশনা অনুসৰি স্মাৰকপত্ৰখন দাখিল কৰিবলৈ মুখ্যমন্ত্ৰীৰ নেতৃত্বত জ্যেষ্ঠ কেবিনেট সদস্যৰে গঠিত এটা উচ্চস্তৰীয় প্ৰতিনিধি দলে নতুন দিল্লী ভ্ৰমণ কৰিব । আমি আৰু ৭ টা এলেকা খৰাংপীড়ি বুলি ঘোষণা কৰিম ।”
তেওঁ লগতে কয়,”ৰাজ্যখনত হোৱা মুঠ লোকচানৰ এটা আনুমানিক হিচাপ আমি লাভ কৰিম। NDRF-ৰ নিৰ্দেশনা অনুসৰি আমি কিমান পৰিমাণৰ ধন দাবী কৰিব পাৰো সেই সন্দৰ্ভত আলোচনা কৰা হ’ব। মুখ্যমন্ত্ৰী, মই নিজে আৰু অন্যান্য সদস্যসকলে স্মাৰকপত্ৰখন দাখিল কৰিবলৈ দিল্লীলৈ যোৱাৰ সিদ্ধান্ত লৈছো ।"
উপ-মুখ্যমন্ত্ৰীগৰাকীয়ে উল্লেখ কৰে যে এইবাৰ সমগ্ৰ ৰাজ্যতে শস্য আৰু কৃষি খণ্ডৰ লোকচানে যথেষ্ট সমস্যাৰ সৃষ্টি কৰিব ।
তেওঁ কয়, "এইবাৰ খৰাংপীড়িত হিচাপে ঘোষণা কৰা ২২৬ টা কৃষি প্ৰধান এলেকা বাবে আমি প্ৰায় ৭,০০০ কোটি টকা বিচাৰিছিলো আৰু এনেকুৱা লাগিছে যে এই বছৰ লোকচানৰ পৰিমাণ অধিক হ’ব । যোৱা বছৰ ১৮,০০০ কোটি টকা বিচৰা হৈছিল ।"
মন্তব্য (0)
লগইন কৰি মন্তব্য লিখক।