জ্ঞানেশ কুমাৰৰ বাবে দিল্লীত যুদ্ধ সদৃশ পৰিস্থিতিৰ সৃষ্টি হৈছে: অভিজিৎ দীপকে

তেওঁ লগতে অভিযোগ কৰে যে ১০ অক্টোবৰৰ প্ৰতিবাদৰ আহ্বানৰ পিছত ৰে’লৱে সেৱা বন্ধ কৰি দিয়া হৈছিল । ই দেশৰ ইতিহাসত সম্ভৱ এইটোৱেই প্ৰথমটো ঘটনা ।

তেওঁ কয়, “কাৰ বাবে এই ঘটনা হৈছে। ? কেৱল জ্ঞানেশ কুমাৰৰ বাবে । সেয়াই যথেষ্ট নাছিল, গতিকে তেওঁলোকে সমগ্ৰ দিল্লীতে মেট্ৰ’ বন্ধ কৰি দিলে আৰু ষ্টেচনসমূহো বন্ধ কৰি দিলে। কাৰ বাবে? জ্ঞানেশ কুমাৰ । তথাপিও সন্তুষ্ট নহৈ তেওঁলোকে জম্মু-কাশ্মীৰৰ পৰা নিৰাপত্তা বাহিনী লৈ আনিলে, কেৱল জ্ঞানেশ কুমাৰক সুৰক্ষা দিবলৈ ।”

ইফালে AISAৰ কৰ্মী নেহা বোৰাই বৃহস্পতিবাৰে সাংবাদিকসকলক আটক কৰা আৰু হাৰাশাস্তি কৰাৰ অভিযোগ উত্থাপন কৰি আৰক্ষীক তীব্ৰ সমালোচনা কৰে।

সংবাদ মেল সম্বোধন কৰি বোৰাই কয়, “আপোনালোকৰ হাতত প্ৰেছ কাৰ্ড আছে, তাৰ পাছতো সাংবাদিকসকলক প্ৰহাৰ কৰি আৰু চোঁচৰাই লৈ গৈ তেওঁলোকৰ হাতত প্ৰেছ কাৰ্ড থকা বুলি জনাৰ পিছতো কেইবা ঘণ্টাও আটক কৰি ৰখা হৈছিল । সাংবাদিকসকলৰ পৰা কেমেৰা থপিয়াই লৈ যোৱা হৈছিল ।

‘আমি দেখিবলৈ পালোঁ যে বাতৰি সংগ্ৰহ কৰি থকা এগৰাকী মহিলা সাংবাদিকক যেতিয়া যৌন নিৰ্যাতন চলায় আৰু তেওঁ এফআইআৰ (FIR) দাখিল কৰিবলৈ যায়, তেতিয়া গম পোৱা গ’ল যে তেওঁৰ বিৰুদ্ধেইহে এক ওলোটা এফআইআৰ ৰুজু কৰা হৈছে।”