ইণ্ডিয়া ব্লকত যোগ দিব মুখ্যমন্ত্ৰী বিজয় থালাপতিৰ দলে, চিন্তাত বিজেপি

ভোটাৰ তালিকাৰ অনিয়মক লৈ দেশৰ ৰাজধানীত চলি থকা প্ৰতিবাদৰ মাজতে চেন্নাইত অনুষ্ঠিত "গণতন্ত্ৰ ৰক্ষা কৰক" শীৰ্ষক আন্দোলনৰ নেতৃত্ব দিয়ে কংগ্ৰেছ সাংসদ বি মাণিকম ঠাকুৰে । ইয়াত মিত্ৰজোঁটৰ অংশীদাৰ দলৰ আটাইকেইটা নেতাসকলে অংশগ্ৰহণ কৰে । ৩ অক্টোবৰত TVK দলটোৱে ইণ্ডিয়া মিত্ৰজোঁটত যোগদান কৰাৰ পিছত চিইচিৰ পদত্যাগৰ দাবীত চলোৱা অভিযানত এয়া দলটোৰ প্ৰথম অংশগ্ৰহণ ।

এই প্ৰতিবাদত TVK নেতা তথা মন্ত্ৰী এ ৰাজমোহন, বিদ্যুথালাই চিৰুথাইগল কাচ্চিৰ সভাপতি তথা সাংসদ থল থিৰুমাভালাভান আৰু মৰুমলৰ্চি দ্ৰাবিড় মুন্নেত্ৰা কাঝাগমেও অংশ লয় ।

প্ৰতিবাদৰ সময়ত সংবাদ সংস্থাৰ সৈতে হোৱা বাৰ্তালাপত এছ এছ বালাজীয়ে কয়, "যেতিয়া CJPয়ে ধৰ্মেন্দ্ৰ প্ৰধানৰ পদত্যাগৰ দাবীত সৰৱ হৈছিল, তেতিয়া ইয়াৰ ফলাফল অতি সোনকালে ওলাই পৰিছিল ।

তেওঁ লগতে কয়,”ইণ্ডিয়া মিত্ৰজোঁটত কেইবাটাও ৰাষ্ট্ৰীয় দল আছে । তামিলনাডুৰ ক্ষেত্ৰত দলৰ সংখ্যা সীমিত, আৰু তেওঁলোকে (TVK) তামিলনাডু ইণ্ডিয়া মিত্ৰজোঁটত যোগদান কৰিবলৈ ইচ্ছা প্ৰকাশ কৰিছে।

যেতিয়া ৰাষ্ট্ৰীয় পৰ্যায়ত ইণ্ডিয়া মিত্ৰজোঁটৰ বৈঠক বহিব, তেতিয়া তেওঁলোকে TVKৰ আনুষ্ঠানিক যোগদানত সন্মতি জনাব, কিন্তু বৰ্তমান TVKই ইণ্ডিয়া মিত্ৰজোঁটত যোগদান কৰিছে ।