ছেমছনৰ দুৰ্দান্ত ৬৭ ৰান, নিউজিলেণ্ডৰ বিৰুদ্ধে ভাৰতৰ ৰোমাঞ্চকৰ জয়

মেচখনত ভাৰতে টি-২০ ক্ৰিকেটত নিজৰ সৰ্বাধিক ৰানৰ লক্ষ্য সফলতাৰে অতিক্ৰম কৰি ছয় উইকেটত জয়লাভ কৰে । প্ৰথমে বেটিং কৰিবলৈ আমন্ত্ৰণ জনোৱাৰ পিছত ফিন এলেনৰ ২৪টা বলত ৪৫ ৰান আৰু গ্লেন ফিলিপছৰ ৪০টা বলত অপৰাজিত ৮২ ৰানৰ বিস্ফোৰক ইনিংছৰ সহায়ত নিউজিলেণ্ডে ৮টা উইকেটৰ বিনিময়ত ২২৫ ৰান সংগ্ৰহ কৰে।

প্ৰত্যুত্তৰত সঞ্জু ছেমছনে আৰম্ভণিৰে পৰাই আক্ৰমণাত্মক বেটিং কৰি ভাৰতক শক্তিশালী আৰম্ভণি দিয়ে। অৱশ্যে মাজৰ অভাৰত কেইটামান উইকেট দ্ৰুতগতিত হেৰুৱাই মেচখন কিছু জটিল হৈ পৰে। শেষৰফালে অধিনায়ক শ্ৰেয়াছ আয়াৰৰ ৪২ ৰান আৰু নমন ধীৰৰ ১৫টা বলত অপৰাজিত ৪২ ৰানৰ গুৰুত্বপূৰ্ণ অৱদানৰ সহায়ত ভাৰতে দুটা বল বাকী থকা অৱস্থাত লক্ষ্যত উপনীত হয়। পাঁচখনীয়া টি-২০ শৃংখলাৰ দ্বিতীয়খন মেচ শনিবাৰে হেগলি অ’ভেলত অনুষ্ঠিত হ’ব।

উল্লেখ যে মেচখনত ভাৰতে পাৱাৰপ্লে’ৰ ভিতৰতে ভাৰতে এটা উইকেট হেৰুৱাই ৯৪ ৰান সংগ্ৰহ কৰিছিল। কিন্তু মাজৰ অভাৰত নিউজিলেণ্ডৰ স্পিনাৰ মিচেল ছেণ্টনাৰ আৰু মাইকেল ব্ৰেচৱেলে ভাৰতীয় বেটিং লাইনআপত আঘাত হানে। মাত্ৰ সাত ৰানৰ ভিতৰতে তিনিটা উইকেট পৰাত মেচখনত পুনৰ উত্তেজনাৰ সৃষ্টি হয়।

৯৩ ৰানত কোনো উইকেট নেহেৰুৱাই থকা ভাৰতৰ স্ক’ৰ ১১সংখ্যক অভাৰত ১২২ ৰানত চাৰিটা উইকেটলৈ হ্ৰাস পায়। খেলপথাৰৰ দীঘল সীমাৰেখাইও ভাৰতীয় বেটাৰসকলৰ বাবে প্ৰত্যাহ্বানৰ সৃষ্টি কৰে। ইশান কিষাণ আৰু তিলক বাৰ্মাই ছয় মৰাৰ চেষ্টা কৰি উইকেট হেৰুৱায়।

ছেমছনে দিয়া বিস্ফোৰক আৰম্ভণিৰ সুবিধা ভাৰতৰ মধ্যক্ৰমৰ বেটাৰসকলে সম্পূৰ্ণৰূপে গ্ৰহণ কৰিব নোৱাৰিলে। ছেমছনে নিজৰ ইনিংছত আঠটা চাৰি আৰু চাৰিটা ছয় কোবাইছিল।

চলিত বৰ্ষত ২৬টা ইনিংছত এয়া আছিল ছেমছনৰ অষ্টমটো অৰ্ধশতকতকৈ অধিক ৰানৰ ইনিংছ। ইয়াৰ জৰিয়তে টি-২০ৰ দৰে আক্ৰমণাত্মক ফৰ্মেটত তেওঁৰ ধাৰাবাহিকতা পুনৰ প্ৰমাণিত হয়।