Saturday, 21 November 2026
লগইন

মুখ্য নিৰ্বাচন আয়ুক্ত জ্ঞানেশ কুমাৰ বিপদত পৰাৰ সম্ভাৱনা, ৯ ডিচেম্বৰত হ’ব ডাঙৰ সিদ্ধান্ত

অপসাৰণ কৰিব নেকি জ্ঞানেশ কুমাৰক !

নিউজ ডেস্ক : নিৰ্বাচন আয়োগৰ বিৰুদ্ধে দাখিল কৰা আবেদন গ্ৰহণ কৰিব দেশৰ সৰ্বোচ্চ ন্যায়ালয়ে । বিশেষকৈ লোকসভাৰ বিৰোধী দলপতি ৰাহুল গান্ধী আৰু ইণ্ডিয়া ব্লকে দাখিল কৰা এখন আবেদনৰ শুনানি ল’বলৈ উচ্চতম ন্যায়ালয় সন্মত হৈছে । এই আবেদনখনত SIR পৰিচালনা আৰু যোৱা ২৬ অক্টোবৰত নিৰ্বাচন আয়োগে দাখিল কৰা শপতনামাত কৰা দাবীসমূহৰ সত্যতা সন্দৰ্ভত মুখ্য নিৰ্বাচন আয়ুক্ত (CEC), নিৰ্বাচন আয়ুক্তসকল আৰু ভাৰতীয় নিৰ্বাচন আয়োগৰ (ECI) জ্যেষ্ঠ বিষয়াসকলক ৪৮ টা প্ৰশ্ন সোধা হৈছে ।

শপতনামাখনত দাবী কৰা হৈছিল যে এই বৃহৎ অনুশীলন য’ত প্ৰায় ১৩ কোটি ভোটাৰৰ নাম বাদ পৰিছিল ।সেয়া ভাৰতীয় নিৰ্বাচন আয়োগৰ এক সৰ্বসন্মত সিদ্ধান্ত আছিল। ভাৰতৰ মুখ্য ন্যায়াধীশ সূৰ্য কান্তৰ নেতৃত্বত গঠিত এখন বিচাৰপীঠে গোচৰটোৰ পৰৱৰ্তী শুনানিৰ দিন ৯ ডিচেম্বৰ ধাৰ্য কৰিছে।
আবেদনসমূহ মূলতঃ মঙলবাৰে শুনানিৰ বাবে তালিকাভুক্ত কৰা হৈছিল। অৱশ্যে, বিচাৰপীঠখনে দুপৰীয়াৰ আহাৰৰ বিৰতিৰ বাবে উঠাৰ সময়ত ভাৰতীয় নিৰ্বাচন আয়োগৰ হৈ উপস্থিত থকা জ্যেষ্ঠ অধিবক্তা হৰিশ চালভেয়ে সকলোবোৰ আবেদনৰ শুনানি ল’বলৈ পৰ্যাপ্ত সময় হ’বনে বুলি প্ৰশ্ন কৰে।

সোমবাৰে ৰাহুল গান্ধীয়ে উচ্চতম ন্যায়ালয়ক জনাইছিল যে SIR প্ৰক্ৰিয়াটো মুখ্য নিৰ্বাচন আয়ুক্ত (CEC) জ্ঞানেশ কুমাৰ আৰু নিৰ্বাচন আয়ুক্ত সুখবীৰ সিং সান্ধু তথা বিবেক যোশীয়ে লোৱা এক সৰ্বসন্মত নাছিল । নিৰ্বাচন আয়োগে কোনো প্ৰমাণ দাখিল কৰিব পৰা নাছিল ।
##bigupdate #newsupdate #gyaneshkumar #indiabloc #latestupdate

মন্তব্য (0)

লগইন কৰি মন্তব্য লিখক।

NEWSLETTER

গুৰুত্বপূৰ্ণ সংবাদ আপোনাৰ ইমেইলত

নির্বাচিত শেহতীয়া সংবাদ পোনপটীয়াকৈ লাভ কৰক।