ঈশান কিষাণ শৃংখলাৰ পৰা আউট, কুমাৰ কুশাগ্ৰক দলত অন্তৰ্ভুক্ত

নিউজ ডেস্ক : ভাৰত আৰু নিউজিলেণ্ডৰ মাজত অনুষ্ঠিত হ’বলগীয়া পাঁচখনীয়া টি-২০ শৃংখলাৰ দ্বিতীয়খন মেচ কিছু সময়ৰ পাছতে ক্ৰাইষ্টচাৰ্চত আৰম্ভ হ’ব । তাৰ পূৰ্বেই টীম ইণ্ডিয়াৰ প্লেয়িং 11 এক ডাঙৰ সালসলনি কৰা হৈছে । আঘাতপ্ৰাপ্ত ঈশান কিষাণৰ স্থানত কুমাৰ কুশাগ্ৰক দলত অন্তৰ্ভুক্ত কৰিছে । ইয়াৰ পূৰ্বে কুশাগ্ৰক এদিনীয়া দলত অন্তৰ্ভুক্ত কৰা হৈছিল, যাৰ বাবে তেওঁ নিউজিলেণ্ডতে আছে ।

উইকেটৰক্ষক-বেটছমেন ঈশান কিষাণৰ আঘাতৰ বাবে দ্বিতীয়খন টি-২০ মেচৰ পৰা বাহিৰ হৈছে। বিচিচিআইৰ চিকিৎসা দলে বৰ্তমান তেওঁৰ সুস্থতাৰ প্ৰক্ৰিয়াৰ ওপৰত নজৰ ৰাখিছে।

বিচিচিআইয়ে কয়, 'পুৰুষ বাছনি সমিতিয়ে দ্বিতীয়খন টি-২০ মেচৰ বাবে কুমাৰ কুশাগ্ৰক দলত অন্তৰ্ভুক্ত কৰিছে । কুশাগ্ৰ বৰ্তমান ভাৰত ‘এ’ দলৰ সৈতে ক্ৰাইষ্টচাৰ্চত আছে আৰু দ্বিতীয়খন টি-২০ মেচৰ বাবে ভাৰতীয় দলৰ সৈতে যোগ দিব। বিচিচিআইৰ চিকিৎসা দলে কিষাণৰ আঘাতৰ ওপৰত তীক্ষ্ণ নজৰ ৰাখিছে ।'

ঝাড়খণ্ডৰ বোকাতোৰ বাসিন্দা ২১ বছৰীয়া কুমাৰ কুশাগ্ৰৰ বাবে এই সুযোগটো এটা সপোন দিঠক হোৱাৰ দৰে । তেওঁক কেৱল নিউজিলেণ্ডৰ বিৰুদ্ধে দ্বিতীয়খন টি-২০ মেচৰ বাবেই দলত অন্তৰ্ভুক্ত কৰা হোৱা নাই, বৰঞ্চ অহা মাহত হ’বলগীয়া পাঁচখনীয়া এদিনীয়া শৃংখলাৰ শেষৰ দুখন মেচৰ বাবেও প্ৰথমবাৰৰ বাবে ছিনিয়ৰ ৰাষ্ট্ৰীয় দললৈ আমন্ত্ৰণ জনোৱা হৈছে। তেওঁ ১৩ আৰু ১৫ নৱেম্বৰত খেলিবলগীয়া চতুৰ্থ আৰু পঞ্চমখন এদিনীয়াত বেকআপ উইকেটৰক্ষক হিচাপে দলৰ অংশ হ’ব ।