নিউজ ডেস্ক : আমেৰিকা যুক্তৰাষ্ট্ৰৰ ৰাষ্ট্ৰপতি ডনাল্ড ট্ৰাম্পৰ পৰা নিৰ্দেশ পালে পুনৰ ইৰাণত ভয়ংকৰ আক্ৰমণ কৰিবলৈ সাজু আমেৰিকা সেনা । মাত্ৰ "৯৬ ঘণ্টাৰ ভিতৰত" ইৰানৰ বিৰুদ্ধে এক বৃহৎ সামৰিক অভিযান চলাবলৈ মধ্যপ্ৰাচ্যত থকা আমেৰিকান বাহিনী সাজু হৈছে বুলি CNNত দুজন আমেৰিকান বিষয়াই উল্লেখ কৰিছে ।
প্ৰতিবেদনখনৰ মতে, আক্ৰমণ চলাবলৈ পৰ্যাপ্ত পৰিমাণৰ আমেৰিকান সৈন্য ইতিমধ্যে সেই অঞ্চলটোত মোতায়েন কৰা হৈছে । অৱশ্যে, ট্ৰাম্পে নতুনকৈ আক্ৰমণ চলাব নে নাই সেই সন্দৰ্ভত এতিয়াও কোনো সিদ্ধান্ত লোৱা নাই। আমেৰিকাৰ এজন বিষয়াই চিএনএনক কয়, "এয়া এক বৃহৎ প্ৰয়াস হ'ব।"
সামৰিক নেতাসকলে এনে কিছুমান অভিযানৰ বাবে প্ৰস্তুতি চলাইছে যিবোৰ ইৰানৰ ৰাডাৰ, মিছাইল উৎক্ষেপণ কেন্দ্ৰ আৰু অন্যান্য সামৰিক সম্পত্তিৰ ওপৰত চলোৱা সীমিত আক্ৰমণতকৈও অধিক ব্যাপক হ'ব পাৰে । আমেৰিকাৰ চেণ্ট্ৰেল কমাণ্ড আৰু পেণ্টাগনে লক্ষ্যবস্তুৰ এখন দীঘলীয়া তালিকাৰ ওপৰত কাম কৰি আছে, য'ত ইৰানৰ শক্তি আন্তঃগাঁথনি, সামৰিক ঘাটি আৰু পাৰমাণৱিক প্ৰকল্পসমূহো অন্তৰ্ভুক্ত আছে।
সামৰিক পৰিকল্পনাৰ সৈতে পৰিচিত বৰ্তমানৰ আৰু প্ৰাক্তন আমেৰিকান বিষয়াসকলে বিশ্বাস কৰে যে নতুন আক্ৰমণৰ সিদ্ধান্ত চলিত বৰ্ষৰ শেষৰ পূৰ্বে আহিব পাৰে, য'ত আমেৰিকাৰ মধ্য্যাৱৰ্তী নিৰ্বাচনৰ পিছৰ সময়ছোৱাক অধিক সম্ভাৱনাপূৰ্ণ সময় হিচাপে দেখা গৈছে। অৱশ্যে, বিষয়াসকলে সতৰ্ক কৰি দিছে যে ট্ৰাম্পে পূৰ্বেও কিছুমান সামৰিক পদক্ষেপৰ সপক্ষে থকা যেন দেখুৱাইও শেষ মুহূৰ্তত পিছুৱাই গৈছিল।
পেণ্টাগনৰ এজন জ্যেষ্ঠ বিষয়াই চি.এন.এন.-ক কয়, "বিভাগটো হৈছে এক পৰিকল্পনাকাৰী সংগঠন, আৰু ইয়াৰ কাম হৈছে ৰাষ্ট্ৰপতিয়ে নিৰ্দেশ দিয়া সামৰিক বিকল্পসমূহ প্ৰস্তুত কৰা আৰু সেইবোৰ কাৰ্যকৰী কৰা।"
মন্তব্য (0)
লগইন কৰি মন্তব্য লিখক।